Tarixi zəfərin detalları | Prezident Ermənistanla aparılan müzakirələrdən danışdı

“Antiterror əməliyyatında Ermənistan Ordusunun 15 mindən çox hərbi kontingenti tamamilə iflic vəziyyətinə düşdü”.

Bu sözləri Prezident İlham Əliyev Qarabağ Universitetinin müəllim və tələbə heyəti ilə görüşündə söyləyib.

Dövlət başçısı xatırladıb ki, antiterror əməliyyatı Azərbaycan Ordusunun tam zəfəri ilə başa çatdı:

“Bir neçə saat sonra biz onlarla kapitulyasiya şərtlərini müzakirə etməyə başladıq. Ümumi proses 23 saat davam etsə də, bu prosesin hərbi hissəsi bir neçə saat davam edib. Bütün bunlar bir daha dövlətimizin gücünü, xalqımızın iradəsini, gənc nəslin tərbiyəsini, bacarığını göstərir”.

İlham Əliyevin sözlərinə görə, İkinci Qarabağ müharibəsi və antiterror əməliyyatı Azərbaycanın beynəlxalq hüququnu, öz milli qürurunu bərpa etməklə yanaşı, bütün dünyaya nümayiş etdirdi ki, ədalətsizlik əbədi davam edə bilməz.