Türk müdafiə sənayesində tarixi sıçrayış: NATO standartlarını geridə qoyan "Altay" - HƏRBİ XRONİKA

"Hərbi xronika" rubrikasında Türkiyənin yerli istehsalı olan "Altay" əsas döyüş tankının texniki xüsusiyyətləri, inkişaf mərhələsi və seriya istehsalına başlanması barədə məlumat verilib. Türkiyənin müdafiə sənayesi "Altay" tankının seriya istehsalına başlaması ilə mühüm mərhələni geridə qoyub.

120 millimetrlik "L55" topu, lazer güdümlü raketlər və çoxqatlı müdafiə sistemləri ilə təchiz edilən tankın NATO standartlarını üstələyən texniki imkanlara malik olduğu bildirilir. ASELSAN şirkəti tərəfindən inteqrasiya edilən 13 yerli sistem "Altay"ı tam rəqəmsal döyüş platformasına çevirib.

1500 at gücünə malik, yerli istehsal olan BATU mühərriki ilə təchiz edilən yeni model Türkiyəni Cənubi Koreya və Almaniyadan texnoloji asılılıqdan tam azad edib. Tank həmçinin 4 metr dərinlikdə su maneəsini keçmə qabiliyyətini nümayiş etdirir. Planlaşdırılır ki, 2028-ci ilə qədər hər il 30 ədəd "Altay" tankı orduya təhvil verilsin.