Türkiyə və Rusiya rəsmiləri nələri müzakirə etdi

Rusiya xarici işlər nazirinin müavini Mixail Qaluzin Türkiyənin Ermənistanla münasibətlərin normallaşdırılması üzrə xüsusi nümayəndəsi Serdar Kılıçla görüşüb.

Bu barədə Rusiya Xarici İşlər Nazirliyi məlumat yayıb.

Qeyd olunub ki, tərəflər Cənubi Qafqazda sülh və sabitliyə nail olmaq yolları barədə ətraflı fikir mübadiləsi aparıblar.

“Eyni zamanda “3+3” Məşvərətçi Regional Platforması çərçivəsində sıx əlaqələrin davam etdirilməsində qarşılıqlı maraq ifadə olunub”, – deyə bəyanatda bildirilib.