Türkiyə XİN başçısı Hakan Fidandan vacib açıqlama - Baku TV

İran Türkiyə, Səudiyyə Ərəbistanı və Pakistanın yaratdığı müdafiə ittifaqının hədəfi deyil.

Bunu Türkiyənin xarici işlər naziri Hakan Fidan “Anadolu” Agentliyinin “Editör Masası” proqramında deyib.

Fidan sözügedən siyahıya İsrailin də daxil olub-olmaması ilə bağlı suala da cavab verib:

“Bir daha təkrarlayıram, bizə təhdid yaratmayan ölkələr hədəf deyil”.

XİN rəhbərinin sözlərinə görə, Türkiyənin yeni ittifaq yaratmasına NATO-ya üzv ölkələr arasında da etiraz edən yoxdur:

“ABŞ-nin də NATO xaric, bir çox ölkələrlə bənzər əməkdaşlıqları var. İsrail, Yaponiya və digər dövlətlərlə əldə olunan razılaşmalar da bu qəbildəndir. Hətta ABŞ ilə Səudiyyə Ərəbistanı və Qətər arasında da oxşar sazişlər imzalanıb. NATO üzvü Fransanın da Yunanıstanın Kipr Respublikası ilə müdafiə əməkdaşlığı mövcuddur. Yəni bu, Alyans üçün yeni fenomen deyil”.

Türkiyənin xarici işlər naziri Məkkə sazişi tipli sənədin Qafqaz ölkələri ilə də imzalana biləcəyini açıqlayıb:

“Türkiyənin Yaxın Şərq, Qafqaz, Aralıq dənizi hövzəsi və Avropa üçün də bənzər strateji mövqeyi var”.

Onun fikrincə, Türkiyə bu tip əməkdaşlıqlar qurmaqla dünyanın bütün hissələrinə diplomatik təsir gücünə malik yeganə NATO üzvünə çevrilir:

“Məsələn, Azərbaycanla Ermənistan yekun sülh sazişinə doğru irəliləyir və Ankara prosesi dəstəkləyir. Bu zaman təhlükəsizlik və iqtisadi perspektivlər yaranır. Zamanla Qafqazda da oxşar sazişin, müdafiə ittifaqının yaradılmasına ehtiyac ola bilər”.