Ürəyi Azərbaycanla döyünən Ulu Öndər

“Heydər Əliyev amili Azərbaycanı bir çətir kimi qoruyurdu”.

Bunu Prezident İlham Əliyev ümummilli lider Heydər Əliyevin 100 illik yubileyi münasibətilə Şuşadan Azərbaycan xalqına müraciətində deyib.

Ulu öndərin siyasi fəaliyyətdən kənarda qaldığı illərdə də hər zaman Azərbaycanın maraqları ilə yaşadığını, ürəyinin Azərbaycanla bir döyündüyünü vurğulayan dövlət başçısı bildirib ki, Heydər Əliyev Azərbaycan üçün ağır günlərdə – 20 Yanvar faciəsindən sonra da xalqımızın haqq səsini dünyaya çatdırıb.