Valuyevin Bakıya qarşı dediyi ifadələr aranı necə qarışdırdı?

Nikolay Valuyevin dediyi və parlamentariyə yaraşmayan “şobla” ifadəsi məndə ikrah yaratdı.

Bu sözləri “Axar”a Rusiya Dövlət Dumasının deputatı Nikolay Valuyevin Azərbaycana müraciətində səsləndirdiyi fikirlərə münasibət bildirən rusiyalı ekspert Vitali Arkov deyib.

“Azərbaycan artıq deputat N.Valuyevin fikrinə cavab olaraq onu arzuolunmaz şəxs elan edib. N.Valuyevin bəyanatı ilə bağlı vəziyyət mediada və bloqsferada yox, çünki bu, yalnız gərginliyin səviyyəsini artırır, parlamentlərarası dialoqda müzakirə edilməlidir. Vyaçeslav Volodinlə Sahibə Qafarova arasında konstruktiv, açıq dialoq yaranıb.

Üstəlik, Milli Məclisin ayrı-ayrı deputatları da bu günlərdə Rusiyanın ünvanına sərt bəyanatlarla “fərqləniblər”. Beləliklə, xanım S.Qafarova və cənab V.Volodinin danışacaqları məqamlar var, sonra isə həmkarları arasında izahat işi aparılar.

Axı parlamentarilər də diplomatlar kimi böhrandan çıxış yolu tapmaq üçün birgə çalışmalıdır, böhranı daha da gərginləşdirməməlidir”, – o bildirib.

V.Arkov xatırladıb ki, Azərbaycanda bəzi KİV-lər də Rusiyaya əsassız ittihamlar və hətta açıq-saçıq böhtanlar səsləndirməklə vəziyyəti gərginləşdirir:

“Ümid edirəm ki, bunlar rəsmi Bakının siyasəti deyil, belə materiallar müəlliflərin və baş redaktorların şəxsi mövqeyidir”.