Vizanı pulsuz necə əldə etmək olar? | COP29-la bağlı mühüm yenilik

Azərbaycan hökuməti UNFCCC Onlayn Qeydiyyat Sistemi vasitəsilə COP29-a qeydiyyatdan keçən iştirakçılar üçün pulsuz “COP29 Xüsusi Viza”nı tətbiq edib.

Bu barədə Xarici İşlər Nazirliyi məlumat yayıb.

Qeyd edilib ki, “COP29 Xüsusi Viza” rəsmi portal vasitəsilə tam onlayn ərizə təqdim edildikdən sonra və ya Azərbaycanın diplomatik nümayəndəlikləri, həmçinin konsulluqlarına tam ərizə təqdim edildikdən sonra 3 iş günü ərzində veriləcək. Vizanın bitmə tarixi “COP29 Xüsusi Viza”sında göstərilib. Viza sahibi vizanın bitmə tarixindən əvvəl Azərbaycanı tərk etməlidir.

Rəsmi elektron viza portalı vasitəsilə “COP29 Xüsusi Viza” üçün müraciət etmək qərarına gələn turist link vasitəsilə viza portalına daxil olduqdan sonra formanı doldurub tələb olunan sənədləri yükləyir və təsdiq üçün ərizəni təqdim edir. Təsdiq edildikdən sonra həmin turist “COP29 Xüsusi Viza”nı endirmək üçün linki olan viza təsdiqi e-poçtu alacaq.