WUF13-ə gələn qonaqları nələr gözləyir? - Dövlət Turizm Agentliyindən məlumat - Baku TV
"Turizm sənayemiz Ümumdünya Şəhərsalma Forumunun 13-cü sessiyasının (WUF13) keçirilməsinə tam hazırdır. Tədbirin turizm baxımından əsas fokusu Bakı və Abşeron olacaq. Məhz bu ərazilərdə yerləşdirmə imkanlarının təmin edilməsi məqsədilə 100-dən çox hotel ilə kommunikasiya qurulub ki, qonaqların qəbulu yüksək səviyyədə təşkil olunsun".
Bunu jurnalistlərə açıqlamasında Dövlət Turizm Agentliyi sədrinin müşaviri Kənan Quluzadə deyib.
O qeyd edib ki, hazırda 60-dan çox hotel beynəlxalq platformalar üzərindən rezervasiya və satış prosesinə qoşulub. Ümumilikdə Bakı şəhərində ulduz kateqoriyası sertifikatı almış 206 hotel fəaliyyət göstərir. Bu hotellərin ümumi nömrə fondu 12 mindən çoxdur. Bundan əlavə, alternativ yerləşmə imkanları təqdim edən 126 obyekt də qonaqların ixtiyarında olacaq.
“Regionlara gəldikdə isə forum çərçivəsində 24 tur marşrutu nəzərdə tutulub. Bu marşrutlar həm Bakı və Abşeronu, həm də Azərbaycanın demək olar ki, bütün əsas turizm istiqamətlərini əhatə edir. O cümlədən Qarabağ və Şərqi Zəngəzur bölgələri, Şəki, Şamaxı, Quba, Qusar, Lənkəran və digər turizm mərkəzləri bu proqramda yer alıb”, – deyə K.Quluzadə vurğulayıb.
#Ümumdünya Şəhərsalma Forumu teqi istifadə olunub
- Ümumdünya Şəhərsalma Forumu ilə bağlı platforma və sayt təqdim edildi - Baku TV
- Bakıda keçiriləcək WUF13 ilə bağlı jurnalistlər məlumatlandırıldı
- Bakıda keçiriləcək WUF 13-ə neçə min iştirakçı qatılacaq? - Baku TV
- Ümumdünya Şəhərsalma Forumunun məzmunu hazırlanır
- Bakı Olimpiya Stadionunda keçiriləcək WUF13-lə bağlı hansı mühüm işlər görülür?
