Xandanyanın Ukraynaya səfəri Ermənistanda qalmaqal yaratdı | Detallar açıqlandı

Ermənistanın hakim “Vətəndaş sazişi” parlament fraksiyasının deputatı Sarkis Xandanyan Kiyevə səfər edib.

Erməni mediası xəbər verir ki, o, Ukrayna Ali Radasının sədri Ruslan Stefançukla görüşüb.

Yerli medianın yazdığına görə, şəxsi söhbət zamanı S.Xandanyan Ermənistan parlamenti adından Ukrayna Ali Radasındakı həmkarlarına ölkə üçün ağır şəraitdə cəsarətli fəaliyyətlərinə görə dəstəyini ifadə edib və parlamentlərarası platformalarda birgə işin vacibliyini vurğulayıb.

"Sarkis Xandanyan Ukrayna parlamentinin rəhbərinə Ermənistan ətrafında yaranmış problemləri, xarici siyasətin prioritetlərini, Azərbaycan-Ermənistan və Türkiyə-Ermənistan arasındakı danışıqlar prosesinin təfərrüatlarını təqdim edib", – deyə Ermənistan parlamentinin press-relizində deyilir.

S.Xandanyanın bu səfəri Ermənistanın müxalif, xüsusilə rusdilli mətbuatında sərt reaksiya ilə qarşılanıb.