Xarici İşlər Nazirliyindən vacib açıqlama

“Avropa İttifaqının missiyasının Ermənistanda yerləşdirilməsi zamanı müvafiq qaydada Azərbaycanın legitim maraqlarının nəzərə alınması, habelə Aİ tərəfindən bu missiyanın fəaliyyətinin qarşılıqlı inam və etimadı sarsıtmayacaq şəkildə həyata keçirilməsi təmin edilməlidir”.

Bu barədə Azərbaycan Xarici İşlər Nazirliyinin açıqlamasında bildirilib. Qeyd edilir ki, belə bir fəaliyyət sırf ikitərəfli əsasda həyata keçirilməli olan sərhədlərin delimitasiyası prosesi də daxil olmaqla Azərbaycan və Ermənistan arasında normallaşma prosesinə xələl gətirmək məqsədilə sui-istifadə edilməməlidir.

Xarici diplomatiya idarəsindən o da bildirilib ki, Avropa İtiffaqının missiyasının mövcudluğunun hazırkı dialoq mexanizmlərinə qarşı sui-istifadəsi təhlükəlidir və bundan çəkinilməlidir.