Ceyhun Bayramov Hakan Fidanla telefonla danışdı
Xarici işlər naziri Ceyhun Bayramovla Türkiyənin yeni xarici işlər naziri Hakan Fidan arasında telefon danışığı olub.
Ceyhun Bayramov həmkarını yeni təyinat münasibətilə təbrik edib və ona uğurlar arzulayıb. Nazir dərin köklərə, ortaq maraq və dəyərlərə əsaslanan iki qardaş ölkə arasında çoxşaxəli və strateji müttəfiqlik münasibətlərinin inkişafı üçün birgə səylərin daha da möhkəmlənəcəyindən əmin olduğunu bildirib və Hakan Fidanı ölkəmizə səfərə dəvət edib.
Türkiyəli nazir Hakan Fidan təbriklərə və xoş sözlərə görə Ceyhun Bayramova təşəkkür edib və onun ölkəmizə səfərlə bağlı dəvətini məmnuniyyətlə qəbul edib.
Tərəflər həmçinin iki ölkə arasında qardaşlıq, dostluq və strateji tərəfdaşlıq münasibətlərinin müxtəlif aspektlərinə və regional məsələlərə dair fikir mübadiləsi aparıblar.