XİN-dən ABŞ-nin ATƏT-dəki nümayəndəsinə cavab

"Çox təəssüf ki, ABŞ-nin Avropa Təhlükəsizlik və Əməkdaşlıq Təşkilatındakı daimi nümayəndəsi Maykl Karpenter “blokada” və “humanitar vəziyyət” haqqında yalan xəbərlərə aldanıb".

Bunu Xarici İşlər Nazirliyinin Mətbuat xidməti idarəsinin rəisi Ayxan Hacızadə tviter hesabında yazıb.

“Əgər Laçın yolu bağlı olsaydı, oradan heç bir avtomobil keçməzdi. Nə üçün yoldan hər cür qeyri-qanuni fəaliyyət üçün istifadə etmək olar, amma etiraz etmək düzgün deyil?”, - deyə Ayxan Hacızadə əlavə edib.

Qeyd edək ki, 2022-ci il dekabrın 12-də səhər saatlarından etibarən azərbaycanlı ekofəallar Xankəndi-Laçın yolunda etiraz aksiyası keçirirlər. Aksiyanın məqsədi Qarabağ iqtisadi rayonunda faydalı yataqların qanunsuz istismarının qarşısını almaq, bundan irəli gələn ekoloji və digər fəsadlarla bağlı ilkin monitorinqlərin həyata keçirilməsinin təmin edilməsidir.