XİN-dən Paşinyana cavab

Xarici İşlər Nazirliyinin Mətbuat Xidmətinin rəhbəri Ayxan Hacızadə Nikol Paşinyanın əsassız iddialarına cavab verib.

O, öz “Twitter” hesabında paylaşım edərək bildirib ki, Baş nazir növbəti dəfə beynəlxalq ictimaiyyətdə çaşqınlıq yaradır.

“Azərbaycan Silahlı Qüvvələri yalnız hərbi hərəkətlərlə bağlı cavab tədbirləri görüb, nəticədə bir Azərbaycan hərbçisi yaralanıb. Regionda sabitliyi pozan əsas faktor Ermənistan silahlı qüvvələridir”, – deyə o qeyd edib.

Xatırladaq ki, Ermənistan Baş naziri Nikol Paşinyan beynəlxalq ictimaiyyəti Qarabağ əhalisinin hüquqlarını və təhlükəsizliyini təmin etmək üçün əməli addımlar atmağa çağırıb. Eyni zamanda Laçın yolunun qeyri-qanuni olaraq bağlandığını, həmçinin ötən gecə Azərbaycanın hücumu nəticəsində dörd hərbçinin öldüyünü və Cənubi Qafqazda sabitliyin pozulması riskinin yüksək olduğunu iddia edib.