XİN Mirzoyanın səsləndirdiyi fikirlərə münasibət bildirib

Ermənistanın xarici işlər naziri Ararat Mirzoyanın Azərbaycana qarşı iddiaları tamamilə əsassız və qəbuledilməzdir.

Bu barədə Xarici İşlər Nazirliyinin Mətbuat xidməti idarəsinin rəisi Ayxan Hacızadə Ermənistanın xarici işlər naziri Ararat Mirzoyanın yanvarın 20-də müsahibə zamanı səsləndirdiyi fikirləri şərh edərkən bildirib.

Laçın yolu ətrafında yaranmış vəziyyətə dair əsassız iddialara cavab olaraq, Ayxan Hacızadə bir daha xatırladıb ki, üçtərəfli bəyanatın 6-cı bəndinə əsasən, Azərbaycan Laçın dəhlizi üzrə hər 2 istiqamətdə vətəndaşların, nəqliyyat vasitələrinin və yüklərin hərəkətinə təhlükəsizlik zəmanəti verir.