Siyasət
Pleyeri seçin:
XİN və Polad Bülbüloğludan Kamil Zeynallı barədə açıqlama
Fevralın 20-si azərbaycanlı idmançı Kamil Zeynallı Moskvada Rusiya hüquq-mühafizə orqanları tərəfindən saxlanılıb.
Bu barədə idmançı sosial şəbəkə hesablarında paylaşım edib.
Azərbaycan Xarici İşlər Nazirliyindən bildirlib ki, Kamil Zeynallının Moskvanın Domodedovo Hava Limanında saxlanılması ilə bağlı məsələ Rusiyadakı Azərbaycan səfirliyinin nəzarəti altındadır.
Ölkəmizin Rusiyadakı fövqəladə və səlahiyyətli səfiri Polad Bülbüloğlu isə bildirilib ki, Kamil Zeynallı dünən gecə saatlarında saxlanılıb: "Onun saxlanılmasının əsl səbəblərini bilmirik. Amma səfirlik olaraq dərhal bütün addımları atmışıq. Kamil Zeynallının saxlanılması barədə özünün iddiaları var. Əsl səbəblər bu gün bəlli olacaq. Biz onun üçün vəkil tutmuşuq. Konsulu da yanına göndərmişik. Səfirlik üzərinə düşən hər şeyi edir".
Qeyd edək ki, tanınmış idmançının iddiasına görə, onun saxlanılmasına səbəb kimi Ermənistan tərəfindən beynəlxalq axtarışa verilməsi göstərilib.
Kopyalandı
Seçilmişlər
