Yəmənli ekspertdən səmimi açıqlama | Azərbaycan sübut etdi ki...

“Mən Azərbaycanı ən ülvi hisslərim, ən saf məhəbbətimlə sevirəm. Bu Forumda iştirakım mənə yenidən 2-ci vətənimə gələ bilmək fürsəti yaratdı. 6-cı dəfədir ki, regionun ən gözəl ölkəsinə gəlirəm. Hər gəlişimdə inkişaf, modernləşmə və siyasi irəliləyişin şahidi oluram”.

Bunu Bakıda keçirilən VI Ümumdünya Mədəniyyətlərarası Dialoq Forumunda iştirak edən yəmənli ekspert Omar Mohammad Nazzal Armouti deyib.

“Mənin Azərbaycana həsr olunmuş 3 kitabım nəşr edilib və bu forumdan sonra daha bir kitab yazmağı planlayıram. Mütləqdir ki, həmin kitabımda Azərbaycanın dünyaya verdiyi töfhələrdən, azad, tolerant, ədalətli düşüncə ilə birləşməyə razı olan ölkələrin nümayəndələrinin məhz 6-cı ümumdünya forumunda səsləndirdiyi fikirlərinə, çıxışlarına xüsusi yer ayıracağam”, – deyə o əlavə edib.