Zaman Ermənistanın əleyhinə işləyir

Azərbaycan tərəfi növbəti dəfə konstruktiv mövqe nümayiş etdirərək Qarabağda yaşayan erməni sakinlərin nümayəndələrini reinteqrasiya və infrastruktur məsələləri ətrafında müzakirə aparmaq üçün ikinci dəfə Bakıya dəvət edib.

Azərbaycan öz mövqeyinə sadiq qalaraq həm Ermənistanla münasibətlərin normallaşdırılması istiqamətində üzərinə düşən vəzifələri yerinə yetirir, həm də Qarabağ iqtisadi zonasının erməni sakinləri ilə birbaşa təmaslar qurmağa çalışır.

Prezident İlham Əliyev Münhendə də bunu açıq bəyan etmişdi. Bildirmişdi ki, iki proses getməlidir: biri Ermənistanla sülh müqaviləsi, digəri isə yerli ermənilərlə birbaşa təmaslar istiqamətində. Lakin erməni tərəfi öz ənənəsinə sadiq qalaraq rəsmi Bakının ikinci təklifini də cavabsız qoyub.

Bu, həm Ermənistanın, həm də Qarabağda yaşayan ermənilərin gündəlikdə olan məsələlərə, təmasların inkişafına qeyri-konstruktiv münasibətini nümayiş etdirməklə yanaşı, həm də mövcud vəziyyətdən nəticə çıxarmadıqlarını göstərir.

Dövlət başçısının da qeyd etdiyi kimi, onların başqa çıxış yolu yoxdur: Ya təmaslar məsələsində konstruktivliyi qoruyaraq reinteqrasiya prosesini qəbul etdirməlidirlər, ya da Qarabağdan çıxmalıdırlar. Mövcud durumun perspektivi və məsələnin həlli üçün üçüncü yol yoxdur.