Zaxarova Rusiyanın Qarabağla bağlı qərarını açıqladı

Rusiya Xarici İşlər Nazirliyi Azərbaycan və Ermənistana çağırış edib. Qurumun rəsmi nümayəndəsi Mariya Zaxarova martın 23-də keçirdiyi brifinqdə bildirib ki, sülh prosesinə alternativ yoxdur.

"Bunda biz qərarlıyıq və mövqeyimizi bir daha təsdiq edirik. Tərəfləri bəyanatlarında və hərəkətlərində təmkinli olmağa və Ermənistan-Azərbaycan münasibətlərinin normallaşmasının bütün bəndləri üzrə danışıqları bərpa etməyə çağırırıq”, - deyə M.Zaxarova vurğulayıb.

Rusiya XİN sözçüsü qeyd edib ki, Ermənistanla Azərbaycan arasında düşmənçilik ritorikasının güclənməsi, Qarabağda insidentlərin artması və Laçın dəhlizi ətrafındakı vəziyyətin nizamlanması ilə bağlı tərəflərin güzəşt axtarmağa hazır olmaması narahatlıq doğurur.