Pleyeri seçin:
“Azersky 2” peyki bu tarixdə fəaliyyətə başlayacaq: detallar açıqlandı
Xəbərlərimizi Google-da izləyin
Yeniliklərdən dərhal xəbərdar olun
“Israel Aerospace Industry” şirkətinin gələn il orbitə çıxaracağı “Azersky-2” yerin məsafədən müşahidə peyki 200 kiloqram ağırlığa malikdir, 7 il fəaliyyətdə olacaq.
“Report”un əldə etdiyi məlumata görə, peyk fəaliyyət göstərmək üçün minimum 5 km hündürlükdə olmalıdır. Onunla 600 km hündürlükdən uzunluğu 9 km-ə, eni isə 6 km-ə qədər fotolar çəkmək mümkündür.
Bunun üçün istehsal adı “OPTSAT 500” olan mikro peykin aşağısına 50 sm diafraqmalı 2 kamera quraşdırılıb. Peykin məlumat yaddaşı 6 TB müəyyən edilib. Qurğu saniyədə 1 GB ölçüdə material ötürə biləcək. İsrail şirkətinin peyklə bağlı şərhində deyilir ki, “OPTSAT 500” 40 illik kosmik mükəmməlliyə əsaslanır.
Bununla belə, “Israel Aerospace Industry”dən bildirilib ki, “Azersky-2” ilə bağlı qarşıdakı günlərdə rəsmi açıqlama olacaq.
Bildirək ki, “Azersky 2” Azərbaycanın sayca 4-cü peyki olacaq. Qalan 3 peykdən 2-si “Azerspace-1” və “Azerspace-2” telekommunikasiya peykləri, “Azersky-1” isə yerin məsafədən müşahidə peykidir.
Kopyalandı
Seçilmişlər
