“Microsoft”a qarşı təhqiqata başlanıldı | Şirkətdən iddialara reaksiya

ABŞ Federal Ticarət Komissiyası “Microsoft” şirkətinə qarşı təhqiqata başlayıb.

Qlobal texnologiya nəhəngindən araşdırılması üçün bulud xidmətləri, süni intellekt alətləri və kibertəhlükəsizlik proqramları haqqında ətraflı sənədlər tələb edilib.

Müxtəlif əməliyyatları ilə tanınan “Microsoft” bu yaxınlarda süni intellektin (AI) əsas oyunçusu kimi diqqət mərkəzindədir. Bu yüksəliş onun “OpenAI” şirkətinə sərmayələri və mövcud bulud hesablamaları, korporativ proqram təminatı, oyun və cihaz bizneslərini tamamlayan özəl AI sistemi – “Copilot”un inkişafı ilə bağlıdır.

Qeyd edək ki, “Microsoft” əvvəllər antiinhisar araşdırmalara da məruz qalıb. 2023-cü ilin əvvəlində Avropa iqtisadi tənzimləyiciləri AI sektorunda rəqabət problemlərini həll etmək üçün onun “OpenAI” ilə tərəfdaşlığını araşdırmağı nəzərdən keçiriblər. Bundan əlavə, şirkət “Activision Blizzard”ı 69 milyard dollara alması ilə bağlı ABŞ Federal Ticarət Komissiyasının müqaviməti ilə üzləşib. Lakin “Microsoft” iddiaları rədd edib.