62 yaşlı Zaqatala sakini təyyarə hazırladı

62 yaşlı Zaqatala sakini Hacıəhməd Məmmədov təyyarə hazırlayıb.

Onun sözlərinə görə, bu işə uşaqlıqdan marağı olub: “Əvvəllər bir neçə təyyarə modeli düzəltmişəm. Daha sonra real təyyarə hazırlamağa başladım. Amma o vaxtlar motor tapmaq çətin idi, həm də hərbi xidmətə getməli oldum. Ona görə də işim yarımçıq qaldı. Universitetə də qəbul olunmuşdum, amma 7 il əyani şəkildə təhsil almağa imkanım olmadı”.

H.Məmmədov qeyd edib ki, internet əlçatan olduqdan sonra bu işə marağı daha da artıb: “İnternetdən çoxlu məlumat öyrənmək olur. Qaynaq işini bacarmırdım. Onu öyrənmək məni motivasiya etdi. Düşündüm ki, artıq təyyarənin karkasını yığa bilərəm və 2022-ci ildə bu işi görməyə qərar verdim”.