Abşeronda binanın həyətində qanunsuz tikili
Xırdalan şəhəri 30-cu məhəllə 11 saylı binanın qarşısında qanunsuz tikinti aparıldığı iddia olunub.
Sakinlərin sözlərinə görə, vaxtı ilə uşaq parkı olan ərazi qanunsuz olaraq zəbt edilib.
Sakinlər deyir ki, Ali Məhkəmə 2020-ci ildə vətəndaş İlhamə Quliyevanın tikinti aparılmasına dair iddanaməsini rədd etsə də, sonradan ona 2022-ci ildə Daşınmaz Əmlakın Dövlət Reyestr Xidmətinin Abşeron şöbəsi tərəfindən mülkiyyət hüququ verilib. O da tikinti aparılması üçün Rizvan Xəlilov adlı şəxsə etibarnamə verib.
Məsələ ilə bağlı Əmlak Məsələləri Dövlət Xidmətinin Daşınmaz Əmlakın Dövlət Kadastrı və Reyestri Publik Hüquqi şəxsin Abşeron ərazi idarəsindən Bakı TV-yə bildirilib ki, idarə 2020-ci ildə bu işlər üzrə məhkəmə icraatına cəlb edilib, sözügedən məhkəmə qərarları Ərazi İdarəsinə daxil olmayıb.
![icon](/images/loading.png)