Ailənin dağılmaması üçün xəyanəti bağışlamaq olar? | Psixoloqdan mühüm açıqlama

Evli cütlüklərin təxminən 70%-i xəyanətlə üzləşir və ailələrin üçdəbiri buna görə dağılır.

Rusiyalı ailə psixoloqu və terapevt Anastasiya Kardiakos xəyanəti bağışlamaq və münasibətlərin xilası üçün nə etmək lazım olduğundan bəhs edib.

Onun fikrincə, xəyanəti bağışlamaq olar, amma bunun üçün bir az zəhmət çəkmək lazımdır. Tərəf müqabilinə acı həqiqətlə barışmaq qəliz olsa da, üzr istəmək və onunla söhbətləşmək prosesi tezləşdirməyə kömək edər.

Xəyanəti bağışlamaqla iş bitmir, həm də bu reallığı qəbul etmək gərəkdir. Bu isə çox vaxt daha çətindir.

“Qəbul etmək bunun həyatda baş verdiyini dərk etməkdir. Yalnız müəyyən nəticələrə çatdıqdan və onları müzakirə etdikdən sonra irəli gedə bilərik”, – deyə psixoloq əlavə edib.

O bildirib ki, xəyanət qəbul olunana qədər günahkar tərəf ittihamlara, qışqırıq səsləri və şikayətlərə hazır olmalıdır. Bu zaman kəsiyində ev depressiya rənginə boyanır. Lakin xəyanətə məruz qalmış partnyorla davam etmək üçün təmkinli olub, yalnız irəli baxmaq lazımdır. Ailə psixoloqu ilə mütəmadi görüş və məsləhətləşmələr də önəmlidir.