Antiterror əməliyyatında ağır yaralanan Ülvi Bağırov vəfat etdi

2023-cü ilin 19-20 sentyabr tarixlərində Qarabağ iqtisadi zonasında həyata keçirilən antiterror tədbirləri zamanı ağır yaralanan Azərbaycan Ordusunun zabiti leytenant Bağırov Ülvi Hənifə oğlu 2024-cü il aprelin 7-də müalicə olunduğu tibb müəssisəsində vəfat edib.

Bu barədə Müdafiə Nazirliyindən məlumat verilib.

Məlumata görə, nazirliyin rəhbərliyi şəhid zabitimizin ailəsinə və yaxınlarına dərin hüznlə başsağlığı verir, səbir diləyir.