Aralıq dənizi pəhrizi nə üçün faydalıdır? | Kardioloqdan mühüm açıqlama

Qoz-fındıq, tərəvəz və yağsız ət ürək-damar xəstəliklərinin qarşısının alınması üçün ən yaxşı yeməklərdir.

Kardioloq Roy Cogiya bu qənaətdədir.

Həkim bildirib ki, ürək və qan damarları üçün faydalı olan qidalanma müxtəlif ola bilər.

Onun fikrincə, ən yaxşısı Aralıq dənizi pəhrizinin tövsiyələrinə əməl etməkdir. Çünki bu pəhriz pis xolesterolu azaltmağa və yaxşı xolesterolu artırmağa kömək edən mono-doymamış yağlar və omeqa-3 yağ turşuları ilə zəngindir. Tərkibində həmçinin iltihabı və oksidləşdirici stresi azaldan antioksidantlar və bitki əsaslı polifenollar var.

Kardioloq qeyd edib ki, o, özü də Aralıq dənizi pəhrizinə riayət etməyə çalışır, lakin bunu öz zövqünə uyğun həyata keçirir.

Roy Cogiya səhər yeməyində təzə meyvə ilə qozlu müsli, naharda isə qarnirdə taxıl və rəngarəng tərəvəzlərlə yağsız ət yeyir. Axşam yeməyi isə adətən ürəyə faydalı qidalardan, məsələn, bişmiş qızılbalıqdan və ya göyərti ilə mərciməkdən ibarətdir.