Ürək üçün faydalı qida | Bu salatı hər həftə yesəniz...

Həkimlər və dietoloqlar ürək-damar xəstəlikləri riskini azaltmağa və ümumi sağlamlığı yaxşılaşdırmağa kömək edən salat müəyyənləşdiriblər.

Söhbət avokado və qoz-fındıqdan ibarət salatdan gedir. Bu iki inqrediyent “pis” xolesterinin səviyyəsini azaltmağa və damarların divarlarını möhkəmləndirməyə kömək edən faydalı yağların güclü mənbəyidir.

Avokado təkcə ürək əzələsinin normal fəaliyyətinə vacib olan mono-doymamış yağlar, E vitamini və kaliumla zəngin deyil, həm də iltihab əleyhinə təsir göstərir. Qoz-fındıq isə tərkibindəki “omega-3” yağ turşuları ilə orqanizmdə iltihabi proseslərə qarşı mübarizə aparır və ürək-damar sisteminin sağlamlığını dəstəkləyir.

Salata həmçinin ispanaq və ya rukola əlavə etmək olar. Bu göyərtilər antioksidantlarla və liflərlə zəngindir, bu isə həzmi yaxşılaşdırır və hüceyrələri oksidləşmə stresindən qoruyur.

Salatın üzərinə zeytun yağı tökmək də tövsiyə olunur.

Diyetoloqlar bu salatı həftədə ən azı iki dəfə yeməyi məsləhət görürlər.