Azərbaycanlı xilasedicilər Türkiyədə
Türkiyədə baş vermiş zəlzələ ilə bağlı qardaş ölkəyə gedən Azərbaycanın Fövqəladə Hallar Nazirliyinin xilasetmə qüvvələri qardaş ölkədə zəlzələdən ciddi zərər görmüş Kahramanmaraş rayonu ərazisində fəsadların aradan qaldırılması və axtarış-xilasetmə əməliyyatlarını davam etdirir.
Azərbaycanlı xilasedicilər fevralın 7-də səhər saatlarından başlayaraq təbii fəlakətin qeydə alındığı yerdə axtarış işləri aparıblar. Həyata keçirilmiş əməliyyatlar nəticəsində daha 1 nəfərin cəsədi dağıntılar altından çıxarılaraq aidiyyəti üzrə təhvil verilib.
Hazırda FHN əməkdaşları zəlzələ zamanı şəhərin Hayrullah məhəlləsi, Azərbaycan bulvarı küçəsi, "Gökan apartmanı" adlı 8 mərtəbəli binanın dağıntıları altında qalmış şəxslərin sağ çıxarılması və nəticələrin aradan qaldırılması istiqamətində səylər göstərir.
İlkin məlumata görə, xilasedicilərimiz Kahramanmaraşda dağıntılar altında qalmış ümumilikdə 6 şəxsin meyitini çıxararaq aidiyyəti üzrə təhvil verib.