Bakıda 3 nəfər silahlı şəxs tutuldu
Bakıda 3 nəfər silahlı şəxs həbs olunub. Bu barədə Daxili İşlər Nazirliyi məlumat yayıb.
Məlumata görə, Nizami polisi tərəfindən keçirilmiş əməliyyatlarla saxlanılan Ramil Məmmədli, Eldəniz Əliyev və Ümid Qafarov istintaqa təqdim olunub. Ramil Məmmədlinin üzərinə, eləcə də idarə etdiyi avtomobilə baxış zamanı 1 ədəd “Kalaşnikov” markalı avtomat, həmin silaha aid 1 ədəd daraq, 12 ədəd patron, psixotrop maddə olan metamfetamin, həmçinin Ümid Qafarovdan 1 ədəd “Kalaşnikov” avtomatı, 1 ədəd daraq, 9 ədəd patron, Eldəniz Əliyevdən isə “Brauning” markalı tapança və 2 ədəd patron aşkarlanıb.
Saxlanılan şəxslər odlu silah-sursatları bir müddət əvvəl əldə etdiklərini, lakin polisə təhvil verməyərək satmaq məqsədilə özlərində saxladıqlarını bildiriblər. Araşdırma zamanı o da məlum olub ki, Ramil Məmmədli sosial şəbəkələrdə “Salamat Ramil” adı altında yazdığı paylaşımlarda cinayətkarlığı təbliğ edirmiş.
Hazırda faktlarla bağlı araşdırmalar davam etdirilir.