Bakıda terror istəyənlər kimdir? - Deputat naməlum pul köçürmələrindən danışdı

“Rusiyada baş verən terror hadisəsindən sonra xaricdə oturan sapı özümüzdən olan insanlar aktivləşməyə başlayıb”.

Bu sözləri Milli Məclisin bu gün keçirilən iclasında deputat Siyavuş Novruzov deyib.

“Bəziləri bu hadisənin Azərbaycanda olmasını istəyirdi. Həmin şəxslər Azərbaycan xalqını düşünmürlər, yalnız öz maraqlarını güdürlər.  Terrorun əsas mənbəyi maliyyədir. Bizim terrorla bağlı qanun layihəmiz var idi. Hesab edirəm ki, bu qanun layihəsi daha da sərtləşdirilməlidir. Heç kəs havadan insana pul vermir. Verdiyi pulun arxasında da hər hansı sifariş var. Ona görə də bu məsələyə xüsusi diqqət edilməlidir”, – deyə o bildirib.