Pleyeri seçin:
Bədəndəki bu əlamətlər nədən olur? - Yorğunluq hiss edirsinizsə...
“Dəmir çatışmazlığı dünyada ən çox rast gəlinən mineral çatışmazlığından biridir. Bədəndəki dəmirin çoxu hemoqlobində olur. Bədənimiz öz-özünə dəmir istehsal etmir, ona görə də onu qidadan almaq vacibdir”.
Bunu “Gazeta.ru”ya terapevt və kardioloq İrina Çekmaryova deyib.
Onun sözlərinə görə, dəmir çatışmazlığının ilk və ən çox görülən əlaməti yorğunluqdur:
“Dəmir çatışmazlığının digər ümumi təzahürlərinə dəri və selikli qişaların solğunluğu daxildir. Saç və dırnaqların vəziyyətindəki dəyişikliklərə də diqqət yetirmək lazımdır. Dəmir çatışmazlığı saçın zəifləməsinə və dırnaqların sınmasına səbəb ola bilər. Daha bir simptom isə fiziki fəaliyyət zamanı nəfəs darlığı və sürətli ürək döyüntüsüdür”.
Qeyd edək ki, dəmirlə zəngin qidalar mövcuddur. Bunların arasında qabıqlı dəniz məhsulları, ispanaq, qaraciyər və digər daxili orqan ətləri, qırmızı ət, paxlalılar, balqabaq toxumu, tünd şokolad da var.
Kopyalandı
#Dəmir çatışmazlığı teqi istifadə olunub
Seçilmişlər
