"Bilməzdim ki, o mənim qəhrəmanım olacaq" | "Canavar" ləqəbli qəhrəman Elnur Səmədov - Baku TV

Şəhid leytenant Elnur Səmədov ərazi bütövlüyümüz uğrunda gedən döyüşlərdə böyük şücaət göstərib. Döyüş yoldaşları arasında “Canavar” ləqəbi ilə tanınan qəhrəman ömrünü hərb sənətinə həsr edib. 34 yaşlı Elnur Səmədovun keçdiyi şərəfli döyüş yolu igidliyin, cəsurluğun, Vətən uğrunda candan keçməyin nə olduğunu göstərən bir nümunəyə çevrilib.

Şəhidin anası Sənubər Səmədova övladının döyüş dostlarının onun haqqında yüksək fikir yürütdüklərini bildirib.

“Bu gün Elnuru döyüş dostları məndən də yaxşı tanıyırlar. Onlar mənə deyirlər: “Sənin Elnurun, bizim Elnurumuz kişi kimi yaşadı, kişi kimi döyüşdü və kişi kimi şəhid oldu. Ona görə də sən heç vaxt boynunu əyməməlisən. Elnur bir qəhrəman idi. O, sağlığında “Azərbaycan Bayrağı” ordeni, şəhadətindən sonra isə 3-cü dərəcəli “Rəşadət” ordeni və 11 medalla təltif edilib”, – deyə şəhid anası əlavə edib.