Bunları yemək tövsiyə edilir | Göbələk əleyhinə qarşı mühüm məsləhətlər

Bir çox həkimlər antibiotik müalicəsindən sonra pəhriz, probiotik və göbələk əleyhinə müalicəni məsləhət görürlər. Çünki antibiotiklər bağırsaq mikroflorasını pozur, bərpa üçün azı altı ay vaxt tələb olunur.

Həkim Tyen Donq disbakteriozdan qaçmaq və bərpa üçün düzgün pəhrizi tövsiyə edib. Onun sözlərinə görə, antibiotiklərin həzm sistemi və mikrofloraya təsirini meşəyə düşmüş yanğına bənzətmək olar.

O bildirib ki, qida və ətrafdan həzm sisteminə düşən faydalı bakteriyalar bu problemi zamanla tənzimləyəcək. Sağlam insanda, gənclərdə bu proses 2-5 ay çəkə bilər. Lakin uşaq, hamilə və yaşlılarda proses ləng gedir. Xüsusən insan il ərzində 2-3 dəfə antibiotik kursu alırsa, mikroflora bərpaya vaxt tapmır.

Ona görə Tyen Donq liflə zəngin qidaların daxil edildiyi pəhrizlərin vacibliyini vurğulayıb. Lif soğan, sarımsaq, banan, paxlalılarda və meyvə-tərəvəzdə boldur. Bundan başqa, fermentləşdirilmiş qidalar – kefir, qatıq, kələm turşusu faydalı bakteriyaları artırır.