Bunları yeyəndən sonra yuxuya getməməyiniz mümkün deyil

Yuxuya getməyə kömək edən üç “şah məhsul”un adları açıqlanıb.

Birinci məhsul kividir. Kivi yuxunu tənzimləməyə kömək edən serotonin tərkiblidir. Tədqiqatlar göstərib ki, yatmazdan əvvəl bu meyvənin müntəzəm istifadəsi yuxunun keyfiyyətini yaxşılaşdırır.

Bundan əlavə, sübut olunub ki, kividə yuxu proseslərinin tənzimlənməsində fəal iştirak edən melatonin də var. Yatmağa getməzdən bir saat əvvəl iki kivi yemək sakit gecəni təmin edir.

İkinci məhsul kimi ləpə, əsasən də qoz və badam göstərilir. Çünki onlar melatonin, triptofan, həmçinin yuxunun tənzimlənməsində mühüm rol oynayan maqnezium və kalsium tərkiblidir. Yuxunun keyfiyyətini yaxşılaşdırmaq üçün axşam və ya yatmazdan bir saat əvvəl 30 qram badam yemək kifayətdir.

Rahat yatmağa kömək edən üçüncü məhsul isə çobanyastığı çayıdır. Çobanyastığı çayında beyindəki reseptorlarla birləşən və insanın rahatlanmasına və daha tez yuxulamasına kömək edən apigenin antioksidantı var. Yatmazdan 30 dəqiqə əvvəl bir stəkan çobanyastığı çayı içmək, dadını yaxşılaşdırmaq üçün bir az kəklikotu əlavə etmək tövsiyə olunur.