Çarəsiz valideynlər imdad dilədi | "Bərbad gündədir, belə olmaz axı!" - Baku TV

Salyanın Aşağı və Yuxarı Noxudlu kənd məktəbləri qəzalı vəziyyətə düşdüyü üçün yüzlərlə şagird təhsilini Aşağı Kürkəndi kənd məktəbində davam etdirir.

Məktəblilər hər gün qonşu kəndə getmək üçün təxminən 10-15 kilometr məsafə qət etməli olurlar.

“Altı nəvəm bu məktəbdə oxuyur. Hamısı aşağı sinif şagirdidir. Uşaq məktəbə gedib, sancıdan halı pisləşib. Bu necə şəraitdir? Biz hansı vəziyyətdə yaşayırıq?!”, – sakinlərdən biri şikayətini dilə gətirib.

“Körpə uşaqlardır, xəstəlik yayılıb, hamısı xəstələnib. Dərsə gedib-gələndən sonra görürsən ki, uşaq titrəyir”, – başqa bir sakin deyib.

Şirvan-Salyan Regional Təhsil İdarəsinin sektor müdiri Rəvan Baxışov bildirib ki, Aşağı Noxudlu kənd tam orta ümumtəhsil məktəbinin inzibati-tədris binasının tikintisi ilə bağlı qərar verilib:

“2026-cı ildə tikintiyə başlanılacaq. Yuxarı Noxudlu məktəbinin binasının da 2026-cı ildə əsaslı təmir olunması barədə qərar verilib”.