Cəmiyyət
Pleyeri seçin:
Deyir ki, yox, oğlum sağdır | Həlak olan Aleksandr Kalyaninovun müəllimi danışdı
Dekabrın 25-də Bakı-Qroznı reysini həyata keçirən sərnişin təyyarəsinin Qazaxıstanın Aktau şəhərində qəzaya uğraması nəticəsində həlak olanlardan biri də pilot Aleksandr Kalyaninovdur.
Peşəkar pilot qəzadan qurtula bilməsə də göstərdiyi səylər nəticəsində 30-a yaxın insanın həyatını xilas edə bilib. 31 yaşlı pilot Bakı Avropa Liseyinin məzunu olub.
Müəllimi Səbinə Bayramova Aleksandr Kalyaninovla bağlı xatirələrini Baku TV ilə bölüşüb:
“O, ailəsinin tək övladı olub. Atası yeddi il əvvəl rəhmətə gedib. Anası təkdir, hələ də oğlunun öldüyünə inana bilmir. Çox mehriban, çalışqan uşaq idi. Həmişə yaxşı oxuyurdu. Üzündə təbəssüm əskik olmurdu. Milliyətcə rus idi, amma Azərbaycan dilində çox yaxşı danışırdı. Çox məsuliyyətli oğlan idi, qəza zamanı da insanları xilas etmək üçün belə davrandı”.
Kopyalandı
Seçilmişlər
