Ekspert: Modemin fasiləsiz işləməsi yanğına səbəb ola bilər

İnternetə o qədər aludə olmuşuq ki, modemi elektrik cərəyanından çıxarmaq ağlımıza belə gəlmir. Amma necə deyərlər, ağla gəlməyən başa gələr. Günlərlə, aylarla, hətta illərlə fasiləsiz işləyən modemlərin ciddi təhlükə yaratdığından çoxları xəbərsizdir.

Ekspertlər deyir ki, cihazın fasiləsiz işləməsi aparatın sıradan çıxması ilə yanaşı, fəlakətə də səbəb ola bilər.

Təhlükəsizlik üzrə ekspert Elmar Nurəliyev qeyd edib ki, internet aparatları, modem və bu kimi elektriklə işləyən qurğular cərəyandan ayrılmalıdır: “Əks halda, bu, modemin isinməsinə, istiliyin artmasına, qısa qapanma və yanğın təhlükəsinə gətirib çıxara bilər”.

Təhlükə təkcə bundan ibarət deyil. Həkim Abbas Bağırov qeyd edib ki, “Wi-Fi” şüası beyin qan dövranını pozur və xroniki yorğunluğa səbəb olur. Ona görə də həm şüalardan qorunmaq, həm də baş verəcək təhlükəni aradan qaldırmaq üçün mümkün qədər qurğuları istifadə etdikdən sonra elektrik cərəyanından ayırmaq vacib hesab olunur.