Erməni "Telegram" kanallarının yaydığı feyk xəbərlərə reaksiya

Erməni “Telegram” kanallarında guya Azərbaycan tərəfindən Ukraynaya hərbi təyinatlı məmulatların göndərilməsinə dair məlumatların yayılmasına cəhdlər olunur.

Bu barədə Müdafiə Sənayesi Nazirliyindən bildirilib. Qeyd olunub ki, bu kimi məlumatlar tamamilə feyk və dezinformasiya xarakteri daşıyır.

“Erməni “Telegram” kanallarında əvvəllər də belə yalan və həqiqətə söykənməyən xəbərlərin yayılmasına cəhdlər olub. Bu məlumatların heç bir əsası yoxdur və ciddi qəbul edilməməlidir. Bir daha bildiririk ki, Azərbaycan tərəfindən qeyd olunan istiqamətdə hər hansı hərbi təyinatlı məmulatlar göndərilməyib”, – deyə Nazirlikdən bildirilib.