“Evdə saxladıqca dəyəri itir” | Pulumuzu necə artıraq? - “Azərbaycanlılar buna hazır deyil”
Yeniliklərdən dərhal xəbərdar olun
Beş il əvvəl əlinizdəki 1000 manatla qızıl alsaydınız, bu gün həmin qızılın dəyəri 2200 manatdan çox olardı. Eyni məbləği səhmlərə yatırsaydınız, 800 manatadək, bank depozitinə yerləşdirsəydiniz isə 500 manatdan çox faiz gəliri əldə edə bilərdiniz.
Bəs indiki dövrdə vətəndaşlar pullarını harada saxlayırlar? Vəsaitlərini artırmaq üçün hansı investisiya üsullarına üstünlük verirlər?
Baku TV bu suallarla bağlı sakinlərin fikirlərini öyrənib.
“İndi pulum yoxdur, ona görə bilmirəm. Amma evdə saxlamaqla heç bir xeyir əldə etmirsən”, – sakinlərdən biri bildirib.
“Məncə, ən yaxşı investisiya növü daşınmaz əmlak və torpaqdır. Torpaq alındıqda gələcəkdə kənd təsərrüfatında istifadə etmək və buradan qazanc əldə etmək mümkündür. İkinci seçim isə qızıl və digər qiymətli metallar ola bilər”, – başqa bir sakin deyib.
İqtisadçı Xalid Kərimli isə bildirib ki, riskli investisiya alətlərini seçərkən həm qazanc, həm də itki ehtimalları nəzərə alınmalıdır. Risk səviyyəsi yüksəldikcə gəlir əldə etmək imkanları artsa da, ilkin vəsaitin bir hissəsini və ya hamısını itirmək ehtimalı da artır.
Ekspertin sözlərinə görə, vəsaitin istifadə edilməsinin ən əlverişsiz yollarından biri onu evdə saxlamaqdır. İlk baxışdan bu üsul risksiz görünsə də, inflyasiya səbəbindən pulun real dəyəri zamanla azalır:
“Vəsaiti evdə saxlamaq ən əlverişsiz variantdır. Belə baxanda risk ən aşağı səviyyədə görünür. Ancaq nəzərə almaq lazımdır ki, evdə saxladığımız pul nominal olaraq əvvəlki məbləğdə qalsa da, inflyasiya səbəbindən hər il öz dəyərini itirir. Yəni vəsaiti evdə saxlamaqla nəinki onu artırmaq mümkün olmur, hətta real alıcılıq qabiliyyətinin azalması ilə üzləşirik”.
Mütəxəssis qeyd edib ki, nisbətən az riskli investisiya istiqamətlərindən biri də qızıl alışıdır. Bununla belə, qızılın dəyərinin aşağı düşə biləcəyi də nəzərə alınmalıdır:
“Azərbaycan vətəndaşları üçün növbəti investisiya istiqaməti bank depozitləridir. Xüsusilə illik faiz dərəcəsi 12 faizə qədər olan manat depozitləri Əmanətlərin Sığortalanması Fondu tərəfindən sığortalanır. Bu o deməkdir ki, müəyyən edilmiş şərtlər çərçivəsində 12 faizə qədər faizlə yerləşdirilən əmanətlər sığortalanır. Daha böyük məbləğdə investisiya etmək istəyirsinizsə, bu zaman bankın riskini də nəzərə almalısınız”.
#İnvestisiya yatırımı teqi istifadə olunub
- Şirkət qeyri-neft sektorunun ixracyönümlü sahələrinə investisiya yatıra bilər - Baku TV
- Texnologiya nəhənglərinin süni intellektə yatırımları 1 trln. dolları ötüb
- Dövlət investisiyaları hansı hallarda ala bilər? - Dəyişiklik hansı sahələri əhatə edəcək? - Baku TV
- Türkiyə Azərbaycana 18 milyard dollar investisiya edib
- Azərbaycan və Monteneqro arasında dialoq genişlənir | Ceyhun Bayramovdan açıqlama - Baku TV
