“O qədər ev tikilib, amma xəbəriniz olmayıb?!” | Sədr müavini Hövsan sakinlərini ittiham etdi
Yeniliklərdən dərhal xəbərdar olun
Suraxanı rayonu, Hövsan qəsəbəsi, “Şəhərcik” adlanan ərazidə onlarla fərdi yaşayış evi var. Yeni yaşayış massivi olan ərazidə xeyli sayda vətəndaş yaşayır. Lakin burada yollar bərbad vəziyyətdədir. Sakinlər gediş-gəliş zamanı ciddi çətinliklərlə üzləşirlər.
“Bu yola baxanlar haraya baxır, mən bilmirəm. Bərbad gündədir. Öz vəsaitimiz hesabına pul yığıb yolun düzəldilməsinə çalışırıq. Hər dəfə daş tökürük, düzəldirik, amma yenidən yağış yağanda əvvəlki vəziyyətinə qayıdır”, – sakinlərdən biri deyib.
“Avtomobillərimiz sıradan çıxır. Artıq maşında salamat detal qalmayıb. Bütün sistemlər dağılıb. Buraya girib-çıxmaq mümkün deyil”, – başqa bir sakin söyləyib.
Hövsan bələdiyyəsinin sədr müavini Faiq Məmmədov isə bildirib ki, ərazidəki evlərin sənədləri olmadığı üçün sakinlər əmlak və torpaq vergisi ödəmirlər. Buna baxmayaraq, bələdiyyə imkanları daxilində onlara kömək göstərməyə çalışacaq.
“Bizə bu barədə dünən məlumat verilib. Həmin ərazilər zəbt olunmuş torpaqlar hesab olunur. Bəzi evlər kənd təsərrüfatı təyinatlı torpaqlarda tikildiyi üçün belə bir vəziyyət yaranıb. Sakinlərə dəfələrlə bildirmişik ki, heç olmasa, torpaq vergisini ödəməlidirlər. Çalışacağıq ki, onlara ən qısa zamanda kömək göstərək”, – Faiq Məmmədov qeyd edib.
#Suraxanı teqi istifadə olunub
- Qaranlıq küçələr və palçıqlı yollar: "Bu dövrdə belə yolla getmək olmaz" | Zığ sakinləri bezdi
- Suraxanıda bədbəxt hadisə | Ev uçdu, bir nəfər öldü - Baku TV
- Suraxanıda yaşayış evində uçqun olub | Ölən və yaralanan var - Baku TV
- Suraxanı sakinləri dayanacaqsız qaldı | Yağışın altında avtobus gözləyirlər - Baku TV
- Evləri su içərisində olan sakinlərin problemi niyə həll olunmur? - Baku TV
