Fitrə zəkatı necə hesablanmalıdır? | Əhali narazıdır

Qafqaz Müsəlmanları İdarəsinin tövsiyəsinə görə, fitrə zəkatının adambaşına 10-15 manatdan hesablanması məqsədəuyğundur.

Lakin bu, cəmiyyətdə birmənalı qarşılanmayıb. Məbləğin çox olduğu bildirilib.

Bəs fitrə zəkatı necə hesablanmalıdır?

Dini tələblərə görə, fitrə zəkatı kimi 2,5-3 kq olmaqla arpa, buğda, düyü, kişmiş və ya xurma, yaxud onlardan hər hansı birinin müəyyən olunmuş çəkisinin qiymətinə uyğun məbləğ ödənilə bilər.

İlahiyyatçı Ağa Hacıbəylinin sözlərinə görə, fitrə zəkatı zəngin insan tərəfindən verilir:

“Dinimizdə 81 qramdan çox qızılı olan adam zəngin sayılır. Vətəndaş öz büdcəsinə uyğun olaraq fitrə zəkatını çıxarmalıdır”.

Millət vəkili Fazil Mustafa isə bildirib ki, fitrəyə görə cəzalandırma mexanizmi və yaxud hansısa mənəvi tənbeh qaydaları yoxdur:

“İmkanı çatan adam daha artıq fitrə verə bilər. Dində elə bir tələb yoxdur ki, mütləq Ramazan orucundan sonra fitrə pulu verməlisən. Əgər inanclı insansansa, oruc tutmaq kifayət edir”.

Xatırladaq ki, Ramazan ayı martın 11-də başlayıb. Aprelin 10-u və 11-i isə ölkədə Fitr bayramıdır.