Güclü yağışın dəhşətli təsiri: Astaraya dəyən zərər barədə rəsmi açıqlama

Astarada 15 min əhalinin yaşadığ 40 kəndlə əlaqə kəsilib.

Bu barədə Astara Rayon İcra Hakimiyyəti başçısının birinci müavini Allahverən Mahmudov məlumat verib.

Onun sözlərinə görə, yağışlar nəticəsində sel suları Astara rayonunun Vaqu kəndində uzunluğu 25 metr eni isə 10 metr olan dəmir körpünü dağıdıb.

A.Mahmudov qeyd edib ki, dağ kəndləri olan 16 kənd arasındakı yollarda da sürüşmə hadisələri baş verib və kəndlər arası əlaqə kəsilib.

“Eyni zamanda Ərçivan çayının daşması nəticəsində 160-a yaxın ev su altında qalıb, onlardan 37 evin sakinləri təxliyyə olunub. Digər sakinlər də hissə-hissə təxiyə olunur. Aidiyyatı qurumların əməkdaşları tərəfindən bu istiqamətlərdə işlər görülür”, – deyə o əlavə edib.