İnfeksiyaların artma səbəbi nədir? | Həkimdən vacib açıqlama

Şirvan şəhərində 9 yaşlı uşaq qızdırmadan dünyasını dəyişib.

Ev şəraitində müalicə alan azyaşlı xəstəxanaya çatdırılsa da, həyatını xilas etmək mümkün olmayıb.

Xatırladaq ki, son zamanlar azyaşlılar arasında geniş yayılan qızılca səbəbindən də bir neçə uşaq baş verən virus və bakterial infeksiyanın ağırlaşmasına görə həyatını itirib.

Pediatr Şahnaz Zamanlı bildirib ki, xüsusən bağça və məktəb yaşda uşaqlarda yuxarı tənəffüs yolu, bağırsaq infeksiyalarına və yaxud yoluxucu infeksion xəstəliklərə daha çox rast gəlinir:

“Virus infeksiyaları daha çox gördüyümüz infeksiyalardır. Bu zaman qızdırmanın 72 saatının təqibi məsləhət görülür. Əgər bu müddətdə qızdırmanın şiddəti artarsa, 72 saatı keçərsə, öskürəyin şiddətlənməsi, qulaqda ağrı və yaxud sidikdə göynəmə, qarında ağrı kimi hallar baş verərsə, həkim müayinəsi lazımdır. Bu kimi hallarda xəstəlik bakterial infeksiya ilə ağırlaşa bilər və bu, uşağın həyatı üçün ciddi təhlükə törədib, hətta ölümünə belə səbəb ola bilər”.