“Xəstəliyin başlanmasından 5-7 gün sonra vəziyyət daha da ağırlaşır” | Xəbərdarlıq

"Ebolanın simptomlarını malyariya ilə səhv salmaq olar".

Bu barədə uqandalı həkim Elayca Kiiza bildirib.

Ebola xəstələrinin müalicəsində təcrübəsi olan həkim qeyd edib ki, xəstənin vəziyyəti və simptomları malyariya ilə qarışdırıla bilər.

Ebola qızdırması tez-tez ölümlə nəticələnən ağır virus xəstəliyidir. Simptomlar qəfil başlayır və iki əsas mərhələdə inkişaf edir. Erkən mərhələdə bədən temperaturu kəskin şəkildə 38-40 dərəcəyə qədər yüksəlir, güclü zəiflik, ümumi halsızlıq və əzginlik müşahidə olunur.

Həmçinin əzələ, oynaq və baş ağrıları, boğaz ağrısı, angina və ya xoralı faringit, ürəkbulanma, qusma və diareya yaranır. Xəstənin xarici görünüşü də dəyişir: gözlər çökür, üz ifadəsi isə sanki kədər və ya aqressiyanı əks etdirən maskaya çevrilir.

Xəstəliyin başlanmasından 5-7 gün sonra vəziyyət daha da ağırlaşır. Dəridə səpgilər, döş qəfəsində ağrılar və təngnəfəslik yaranır. Dərinin yüngül zərbə və sıxılma yerlərində göyərmələr əmələ gəlir. Bundan əlavə, iynə vurulan yerlərdən uzun müddət burun və diş ətlərindən dayanmayan qanaxmalar baş verə bilər.

Həkimin sözlərinə görə, xəstələrdə şüurun dumanlanması, lənglik, qıcıqlanma, aqressivlik, məkanda və zamanda çaşqınlıq müşahidə edilir, ağır hallarda isə koma baş verə bilər.