Hər gün çiyələk yesəniz, bu xəstəliklərin qarşısını alacaqsınız

Kaliforniya Universitetinin alimləri araşdırmalar zamanı müəyyən ediblər ki, hər gün çiyələk yemək xolesterini aşağı salır və ürək xəstəliklərinə səbəb olan iltihabı azaldır.

2000-ci ildən 2023-cü ilə qədər aparılan 47 klinik sınaq və 13 müşahidə tədqiqatının təhlili çiyələklərin polifenollar və lif kimi faydalı maddələrlə zəngin olduğunu ortaya çıxarıb. Bu fitonutrientlər pis xolesterolu və iltihabı azaltmağa kömək edir. Bu da öz növbəsində ürəyin sağlamlığını yaxşılaşdırır, ürək-damar xəstəlikləri üçün risk faktorlarını azaldır.

Yüksək xolesterol səviyyəsi qan damarlarının daralmasına və qan axınının azalmasına səbəb ola bilər. Alimlər qeyd edirlər ki, müntəzəm çiyələk qəbulu bu riskləri azaltmağa yardım edir.

Bundan başqa, çiyələk istənilən formada faydalıdır: təzə, dondurulmuş və ya qurudulmuş.