Pleyeri seçin:
İcra başçısı Lazada görülən işlərdən danışdı
Qusarın Laza kəndində palçıq selinin yaratdığı təhlükə hələ də davam edir.
Sakinlər bildiriblər ki, onlar evlərini tərk etmək məcburiyyətində qalıblar.
“Hazırda iflic vəziyyətindəyik. Evləri boşaltmışıq. Sağ olsunlar, texnika ilə qarşısını aldılar, yoxsa sel altında qalacaqdıq”, – kənd sakinlərindən biri deyib.
Başqa bir sakinin sözlərinə görə, sel axını xüsusilə gecə saatlarında güclənir:
“Gecə saat 4 radələrindən başlayaraq yenə sel gəlməyə davam edir. Evimizə girə bilmirik. Artıq dörd gündür ki, qonşuda qalırıq”.
Məsələ ilə bağlı Qusar Rayon İcra Hakimiyyətinin başçısı Sahir Məmmədxanov açıqlama verib.
O bildirib ki, ərazidə vəziyyətin stabilləşdirilməsi üçün tədbirlər görülüb:
“Artıq böyük yük maşınlarının hərəkəti üçün yol bərpa edilib, eyni zamanda piyada yolu da qaydaya salınıb”.
Kopyalandı
Seçilmişlər
