İnsan orqanizminə müsbət təsir edən qidalar | Həkimdən faydalı məsləhət

Qanda xolesterinin səviyyəsini aşağı salan qidalardan biri də yağlı balıqdır.

Diyetoloq-endokrinoloq Alena Barredo bu qənaətdədir. Onun sözlərinə görə, skumbriya, qızılbalıq, koho qızılbalığı, ümumiyyətlə tərkibində çoxlu omeqa-3 turşusu olan bütün dəniz balıqları faydalıdır.

Onlar bədəndəki xolesterini azaltmağa və qaraciyərin faydalı xolesterin istehsal etməsinə kömək edir ki, bu da damarların təmizlənməsinə gətirib çıxarır.

Həkim həmçinin çaytikanı yağından istifadəni tövsiyə edir. Onun tərkibində omeqa-7 turşuları var ki, bu da orqanizmdə xolesterin səviyyəsini aşağı salan antiinflamatuar sitokinlər istehsal etməyə yardımçı olur.

Alena Barredo qida rasionuna kələmi də əlavə etməyi məsləhət görüb. İnanılmaz faydaları olan bu tərəvəzin bağırsaq mikrobiomuna müsbət təsirləri var.