İranla sərhəddə dövlət qurumlarından birgə əməliyyat

Dövlət Sərhəd Xidməti və Dövlət Gömrük Komitəsinin əməkdaşları aprelin 5-də İranla sərhəddə birgə əməliyyat keçirib.

Saat 22:10-da “Horadiz” sərhəd dəstəsinin xidməti ərazisində görülən tədbirlər nəticəsində ümumi çəkisi 11 kiloqram 300 qram olan narkotik vasitə və 1 000 ədəd “Metadon M-40” psixotrop həblərin qaçaqmalçılıq yolu ilə İrandan ölkəmizə keçirilməsinin qarşısı alınıb.

DSX həmçinin “Şəmkir” sərhəd dəstəsinin xidməti ərazisində keçirilən əməliyyatla bağlı da məlumat yayıb. Belə ki, aprelin 6-sı saat 01:08-də Azərbaycandan Gürcüstan istiqamətində dövlət sərhədini pozmağa cəhd göstərən 2 nəfər Nepal və 2 nəfər Şri-Lanka vətəndaşı saxlanılıb.

Qeyd olunan faktlar üzrə əməliyyаt-istintaq tədbirləri dаvаm еtdirilir.