İrəvan yanlış ictimai rəy yaradır

Xarici İşlər Nazirliyinin mətbuat katibi Ayxan Hacızadə martın 23-də Ermənistanın xarici işlər naziri Ararat Mirzoyanın Misirin “AlQahera” xəbər agentliyinə müsahibəsi zamanı rəsmi Bakı ilə sülh sazişi layihəsinə İrəvanın təklifləri ilə bağlı açıqlamasını şərh edib.

XİN rəsmisi bildirib ki, A.Mirzoyanın Azərbaycanla Ermənistan arasında sülh sazişi layihəsi üzrə danışıqların mahiyyətini təhrif etməsi və beynəlxalq ictimaiyyət arasında çaşqınlıq yaratmaq cəhdi tamamilə qəbuledilməzdir.

A.Hacızadə bildirib ki, bir daha Ermənistan tərəfini sülh sazişi üzrə danışıqlar masasına qayıtmağa və bu istiqamətdə ciddi iş aparmağa çağırırıq. Azərbaycan sülh sazişi üzrə danışıqlarda dərhal iştirak etməyə hazırdır.