İsmayıllı rayon təhsil sektorunda Heydər Əliyevə həsr olunan tədbir

İsmayıllı Rayon Təhsil Sektorunda “Heydər Əliyev İrsi Milli Sərvətimizdir” adlı bayram tədbiri keçirilib. Tədbirdə məktəblilər əl işilərinin sərgiləyib, rəqs edib, şeir söyləyiblər.

Şəhərin 3 saylı məktəb-liseyində təşkil olunan tədbirdə Rayon İcra Hakimiyyəti başçısı Nahid Bağırov, idarə, təşkilat rəhbərləri, təhsil işçiləri, şəhid ailələri, ümumtəhsil məktəblərinin rəhbərləri və məktəblilər iştirak ediblər. Tədbir iştirakçıları çıxış edərək ümummilli lider Heydər Əliyevin Azərbaycan xalqı qarşısında xidmətlərindən danışıblar.

Tədbirdə “Ümummilli lider Heydər Əliyevin 100 illik yubileyi” çərçivəsində respublika əhəmiyyətli müsabiqələrdə fəal iştirak edən bir qrup məktəbli icra başçısı Nahid Bağırov tərəfindən təltif edilib.

Tədbir məktəblilərin hazırladıqları təntənəli konsert proqramı ilə davam etdirilib.