Kibercinayətkarlıqda yeni üsul: adınıza saxta yazışmalar hazırlana bilər
İnformasiya texnologiyalarının dinamik inkişafı, virtuallığın adi hala çevrilməsi kibercinayətlərin sayını çoxaldır.
Növbəti kibercinayət nümunəsini sizə təqdim edirik. İstənilən platforma üzərindən sizin guya başqası ilə yazışdığınıza dair aldadıcı görüntü yaratmaq mümkündür. Nəticələri bəzən faciəyə də yol açan bu proses isə çox sadədir.
İnternet üzərindən “saxta söhbət yaratmaq” axtarışı edərək qarşınıza çıxan linklər vasitəsilə istədiyiniz platformada istənilən formada yazışma görüntüsü yarada bilərsiniz. Burada guya yazışdığınız şəxsin profil adını, şəklini, hətta mesajların vaxtını belə siz ayarlayırsınız. Açılan şablonlar üzrə iş tamamlandıqdan sonra yazışma o qədər inandırıcı alınır ki, onun saxta olduğunu sübut etmək belə çətinlik yaradır.
Bəs insanların adından saxta mesajlar hazırlayaraq şər-böhtan atan şəxslər barədə qanunvericilik nə deyir?
“Əgər yazışma digər şəxsin xəbəri olmadan yaradılırsa, burada heç bir qayda pozuntusu yoxdur. Amma yaradılan mesajlaşma ilə həmin şəxs şantaj edilərsə, bu, artıq cinayət əməli sayılır”, – DİN-dən bildirilib.